I kërkuar ndërkombëtarisht, arrestohet 30-vjeçari me qëllim ekstradimin në Finlandë

Policia e Tiranës ka arrestuar në Laprakë një shtetas finlandez, me qëllim ekstradimin e tij në Finlandë, i akuzuar për vepra penale kundër jetës dhe pronës.

Në kuadër të operacionit të koduar “The Wanted”, është arrestuar shtetasi finlandez L. E., 30 vjeç.

Sipas raportimeve, 30-vjeçari ishte shpallur në kërkim ndërkombëtar, pasi Zyra e Prokurorit në Finlandën Perëndimore i ka caktuar masën e sigurisë “Arrest me burg”, për veprat penale “Hyrje në banesë private”, “Vjedhje me dhunë”, “Shtrëngim me anë të kanosjes për dhënie pasurie” mbetur në tentativë dhe “Heqje e paligjshme e lirisë”, të parashikuara nga legjislacioni penal finlandez.

Ndërkohë, Interpol Tirana, në bashkëpunim me autoritetet finlandeze, vijon punën për finalizimin e procedurave të ekstradimit të shtetasit L. E.

LEXONI GJITHASHTU:

• Transportonin lëndë narkotike me qëllim shitjen, arrestohen tre persona në Vlorë
• Siguronte kokainë me qëllim shitjen, arrestohet 32-vjeçari në Lushnje