I përfshirë në vrasjen e 4-fishtë, arrestohet në hotel i riu shqiptar

Mëngjesin e të premtes efektivët e Komisariatit të Policisë Riminit ekzekutuan një urdhër-arresti ndërkombëtar të lëshuar ndaj një shtetasi shqiptar.

I riu, me banim së bashku me familjen në provincën e Rimini, u kap nga oficerët në një hotel në Misano Adriatico dhe u arrestua teksa po hetohet, në bashkëpunim me persona të tjerë, për vrasje dhe posedim të paligjshëm të armëve të zjarrit.

Personi, identiteti i të cilit nuk është bërë me dije nga autoritetet italiane, ishte shpallur në kërkim ndërkombëtar nga autoritetet shqiptare, pasi ka marrë pjesë në një vrasje të 4-fishtë të ndodhur në vitin 2021.

Subjekti është shoqëruar më pas në burgun e Riminit dhe ndodhet në dispozicion të Autoritetit Gjyqësor, i cili do të vendosë për ekstradimin e tij.

LEXONI GJITHASHTU:

• Qëlloi me çekiç pronarin e lokalit dhe i theu xhamat, arrestohet 27-vjeçari
• SPAK heton tenderin 1 mln euro të mushkonjave, pas Binos, 4 zyrtarë merren në pyetje
• Kishin ardhur nga Londra të shisnin drogëra të forta në Dhërmi, e ‘pësojnë’ turistët