I riu braktisi “Porschen”, u hodh në det t’i shpëtojë policisë! Ç’ndodhi në Sarandë

Një skenë e pazakontë është regjistruar mbrëmjen e të premtes në rrugën “Butrinti”, në pedonalen e qytetit të Sarandës, ku një i ri ka tentuar t’i shpëtojë policisë duke u hedhur në det.

Sipas policisë, forcat e rendit ndaluan për kontroll një automjet luksoz tip “Porsche Panamera” ku ndodheshin tre persona. Në momentin që efektivët e policisë tentuan të verifikonin identitetin e tyre, njëri prej pasagjerëve doli me vrap nga makina dhe u hodh në det, duke mbajtur me vete një çantë krahu.

Dy personat e tjerë u ndaluan menjëherë dhe u shoqëruan në komisariat nga forcat e ndërhyrjes së shpejtë “Shqiponja”. Ndërkohë, për kapjen e të riut që tentoi arratisjen, u përfshi edhe një mjet lundrues i Policisë Kufitare, që bëri të mundur ndalimin e tij pas disa minutash ndjekjeje.

Dyshohet se gjatë hedhjes në ujë, i riu ka tentuar të zhdukë sende të paligjshme, të cilat mund të kenë qenë në çantën që mbante me vete. Policia ka vijuar kërkimet në zonë për të zbardhur plotësisht rrethanat e ngjarjes.

LEXONI GJITHASHTU:

• Nxori nga deti nënën e vajzën që po mbyteshin, flet heroi i Vlorës: U hodha i vetëm
• Ngjarje e rëndë në Vlorë: Dy gra rrezikojnë të mbyten, intubohen në spital