Ekzekutohet me 8 plumba i riu shqiptar në Bruksel

Një shqiptar është vrarë në Bruksel të premten në mbrëmje pasi u qëllua me tetë plumba në një bulevard të kryeqytetit të Belgjikës.

Mediat lokale bëjnë të ditur se, deri tani nuk ka asnjë person të arrestuar si të dyshuar për ngjarjen ndërsa i riu i datëlindjes 1982 ka ndërruar jetë në vend.

Ekzekutimi ka ndodhur në bulevardin “Louis Mettewie” në një zonë mes qendrës së Brukselit dhe Maalbeek, ku jetonte shqiptari dhe që njihet si një zonë geto.

Identiteti si dhe të dhëna të tjera nuk bëhen të ditura për 38-vjeccarin që mbeti i vrarë ndërkohë që policia ka nisur hetimet. Nga ana tjetër, mediat lokale bënë në pah se shqiptari jetonte ilegalisht në Belgjikë.