I riu shqiptar vullnetar në qendrën e ndihmave në Turqi: Mund të na ndodhte dhe ne

Një i ri shqiptar, banues në Bursa të Turqisë ka ndarë gjatë një interviste për Euronews Albania, eksperiencën e tij si vullnetar në një pikë të shpërndarjes së ndihmave për të prekurit nga tërmeti.

I riu thotë se është në shkollë dhe punon në qendër rreth 4-orë, ku seleksionon dhe ambalazhon ndihmat e ardhura.

Ai tha se nevojitet solidaritet maksimal me Turqinë në këto momente për shkak të situatës së shkaktuar nga tërmeti shkatërrimtar.

“Këtu jemi në një nga qendrat në Bursa, jemi në një pikë të grumbullimit të ndihmave dhe ndihmat paketohen kategorizohen dhe dërgohen në vendet e tërmetit. Këto janë ndihma të shtetit turk dhe të grupeve vullnetare. Ne që punojmë këtu jemi të gjithë vullnetarë dhe kemi një solidarizim për të ndihmuar njerëzit në zonat e tërmetit. Unë si nxënës që jam punoj rreth 4 orë në ditë. Kjo gjë mund të na ndodhte dhe ne dhe ndaj duhet të solidarizohemi dhe t’i ndihmojmë”, tha i riu.