I shpallur në kërkim me 160 mijë euro të padeklaruara, kapet 41 vjeçari

Policia Kufitare në bashkëpunim me agjencinë evropiane Frontex vijojnë kontrollet intensive në pikën e kalimit kufitar të Kakavijës, në kuadër të përpjekjeve për parandalimin dhe goditjen e krimeve ndërkufitare dhe kapjen e personave të shpallur në kërkim.

Gjatë një kontrolli të zhvilluar në afërsi të një karburanti pranë PKK-së, shërbimet kufitare ndaluan shtetasin me iniciale A. Sh., 41 vjeç, rezident në Greqi, i cili tentonte të hynte ilegalisht në Shqipëri.

Në kontrollin fizik, në çantën e shpinës së tij u gjetën dhe sekuestruan 160,000 euro, shumë kjo që nuk ishte deklaruar në pikën e kalimit kufitar, duke shkelur ligjin doganor dhe ligjet e kontrollit të kufirit.

Më tej, verifikimet e kryera nxorën në dritë faktin se ky shtetas ishte i shpallur në kërkim nga Gjykata e Tiranës, e dënuar me 1 muaj burg për veprën penale të “Vjedhjes”.

Në vijim të veprimeve procedurale, Policia e Tiranës ka ndaluar shtetasin A. Sh., dhe po vijon hetimet e mëtejshme për zbardhjen e plotë të ngjarjes.

LEXONI GJITHASHTU:

• Kultivoi parcelë me 223 fidanë kanabis, vihet në pranga 24 vjeçari në Fier
• Ndërhyrjet në ish-burgun e Spaçit për një projekt filmi, reagon Ministria e Kulturës