Kultivoi parcelë me 223 fidanë kanabis, vihet në pranga 24 vjeçari në Fier

Policia e Fierit ka vijuar kontrollet intensive në të gjithë territorin e qarkut, duke shënuar një tjetër goditje ndaj tentativave për kultivim të bimëve narkotike.

Gjatë kontrollit të territorit me dronë dhe mjete tokësore, në vendin e quajtur “Kodra e dafinave”, në fshatin Gjorgoz, Njësia Administrative Cakran, shërbimet e Komisariatit të Policisë Fier kanë konstatuar një parcelë me 223 fidanë kanabis.

Pas veprimeve hetimore, u arrestua shtetasi me iniciale R. M., 24 vjeç, banues në Cakran, i dyshuar si autor i kultivimit të paligjshëm të fidanëve. Bimët narkotike u asgjësuan nëpërmjet djegies, nën mbikëqyrjen e Policisë.

Ndërkohë, në një rast tjetër, në territorin e njësisë administrative Portëz, forcat e Policisë gjetën dhe asgjësuan 90 fidanë të tjerë kanabisi, të cilët ishin kultivuar në mënyrë të paligjshme. Vijojnë hetimet për identifikimin dhe arrestimin e autorit ose autorëve të këtij rasti.

LEXONI GJITHASHTU:

• Ndërhyrjet në ish-burgun e Spaçit për një projekt filmi, reagon Ministria e Kulturës
• Vlorë/ I moshuari harroi sobën ndezur, ndërhyjnë forcat zjarrfikëse