Gentjan Funiqi, alias Gentjan Martini, alias Festim Olomani, i cili ishte shpallur në kërkim ndërkombëtar është arrestuar ditën e sotme në Spanjë.
Policia bën me dije se arrestimi i 40 vjeçarit, nga Shkodra u bë në operacionin policor të koduar “Seville” që u zhvillua nga Policia spanjolle, në bashkëpunim me Policinë shqiptare.
Në momentin e kapjes nga Policia, mësohet se Olomani mbante një kartë identiteti bullgare të falsifikuar, me emrin Rayko Ivanovr dhe një sasi lënde narkotike, të cilat janë sekuestruar nga Policia.
40-vjeçari ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim dhe “Prodhimi dhe mbajtja pa leje e armëve, armëve luftarake dhe e municionit”.
Martini dyshohet se në bashkëpunim me të tjerë, në vitin 2020, në Kamzë, Tiranë, ka marrë peng Jani Prengën.
Sakaq Interpol Tirana po punon për ekstradimin e tij drejt vendit tonë.
LEXONI GJITHASHTU:
- “Populli opozitar do të protestojë kundër padrejtësive”, Prençi: Ma thirr Çupin këtu
- Robert Papa sulmon Yuri Kim: Nuk e njeh historinë e Shqipërisë