Ibrahimaj: Lufta në Ukrainë ndikim negativ, presim rritje ekonomike 3.7% në 2022

Ministrja e Financave dhe Ekonomisë, Delina Ibrahimaj deklaroi se lufta në Ukrainë ka sjellë një ndikim negativ në zhvillimet e fundit ekonomike, në lidhje edhe me furnizimet me energji.

Në një deklaratë për mediat, Ibrahimaj tha se rritja ekonomike në gjysmën e parë të vitit 2022 ishte në nivelin 4.2%.

Ajo nënvizoi se rritja ekonomike në vitin 2022 parashikohet të jetë në nivelin 3.7%.

“Sa i përket zhvillimeve të fundit ekonomike, goditja globale nga kahu i ofertës për furnizimin me energji dhe mallrat e tjera bazë, shkaktuar nga lufta në Ukrainë, kanë pasur dhe do të ketë një ndikim negativ. Megjithatë, deri tani ekonomia e ka përballuar relativisht mirë këtë goditje.

Rritja ekonomike në gjysmën e parë të vitit 2022 ishte relativisht e fortë, në nivelin 4.2%, e gjeneruar kryesisht nga kërkesa e brendshme dhe kërkesa e huaj neto. Papunësia gjatë gjysmës së parë të vitit u ul në 11.3%, ndërsa punësimi u rrit me 4.3% në krahasim me një vit më parë. Parashikojmë që rritja ekonomike për vitin 2022 të jetë 3.7%, nga 3.2% që ishte parashikuar më shumë’, theksoi ministrja.

LEXONI GJITHASHTU

• Bie besimi te ekonomia, treguesit ranë edhe për ndërtimin

• Banka Botërore: Pushtimi i Ukrainës pengon rimëkëmbjen ekonomike
• Të parafundit në rajon, rritja ekonomike ngadalësohet në tremujorin e dytë të vitit