Ibrahimaj: Në periudhën qershor-gusht rritje të qarkullimit në turizëm me 30%

Ministrja e Ekonomisë Delina Ibrahimaj, ëhstë shprehur se ka pasur një rritje të qarkullimit të sektorit të turizmit me 30%.

Në konferencën e bilancit të sezonit turistik veror, Ibrahimaj theksoi se rritja më e lartë ka qenë në Durrës dhe Sarandë, ndërsa shtoi se këtë vit ka pasur një rritje të punësimit me 4% në krahasim me vitin e kaluar.

“Synojmë që të rrisim standardin e shërbimit në turizëm. Kemi reduktuar TVSH për hotelet me katër yje dhe 5 yje. Kemi dhënë lehtësira për taksën e infrastrukturës.

Gjatë këtij viti vetëm në periudhën Qershor-Gusht ka pasur një rritje të qarkullimit të sektorit të turizmit me 30 %, Saranda dhe Durrësi me rritjen më të lartë. Kemi pasur një rritje të punësimit në turizëm me 4% në krahasim me vitin e kaluar”- tha Ibrahimaj.

LEXONI GJITHASHTU: 

• Kumbaro: Mbi 5 milionë turistë vizituan Shqipërinë, 29% më shumë se në 2021
• Ulje dënimi dhe amnisti, zbardhet dosja hetimore për punonjësit e burgut të Fierit