Ibrahimaj për biznesin e madh: Rritjet e çmimit të energjisë s’përballohet nga qeveria për të gjitha kategoritë

Delina Ibrahimaj, ministre e Financave dhe Ekonomisë, gjatë një interviste në emisionin “Now” të gazetares Erla Mëhilli u shpreh se rritje të çmimit të energjisë elektrike nuk do të ketë vetëm për familjet dhe biznesin e vogël.

“Shtresat që nuk mund të përballojnë një rritje të çmimit nuk do të goditen nga kriza energjetike. Qeveria do të garantoi që çmimi nuk do të rritet dhe do të garantoi furnizim me energji elektrike. Rritja e çmimeve nuk mund të përballohen nga qeveria për të gjitha kategoritë e përdoruesve”, deklaroi znj. Ibrahimaj.

Ministrja tha se ende nuk ka një vendim se sa do të jetë rritja e çmimit të energjisë për biznesin e mesëm dhe të madh pasi grupi i punës po punon për “modalitetet e rritjes së çmimit”.

Ministrja e Ekonomisë tha se parashikohet që kriza nuk do të sjellë një rritje të qëndrueshme të çmimeve.

Nga ana tjetër znj. Ibrahimaj u shpreh se rritja e pagave do të fillojë nga 2022 duke thënë se parashikohet një rritje prej 4.5%.

“I vetmi ndikim që mund të vijë në të ardhmen është nëse inflacioni do të vazhdojë të rritet dhe çmimet e produkteve bazë do të vazhdojnë të rriten megjithatë rrogat kanë ardhur në rritej, pagat mesatare kenë ardhur në rritje, programi i qeverisë parashikon rritje të mëtejshme”, përfundoi ministrja.

LEXONI GJITHASHTU:

Ministrja e Financave: Borxhi publik deri në fund të vitit mund të shkojë në 80%