Ibrahimaj: Rritja e pagave, pjesë e paketës së dytë të rezistencës sociale

Ministrja e Financave dhe Ekonomisë, Delina Ibrahimaj deklaroi se rritja e pagave për disa kategori, është pjesë e paketës së dytë të rezistencës sociale.

Në një intervistë për “Euronews Albania”, Ibrahimaj u shpreh se ky vendim u mor, për shkak se kriza ekonomike pritet që të vazhdojë edhe vitin e ardhshëm.

“Rritjet e pagave që kaluan dje me vendim të Këshillit të Ministrave, janë pjesë e paketës së rezistencës numër 2, që qeveria ka ndërmarrë në këtë vjeshtë. Na u desh të merrnim një vendim, nëse do të ecnim me një paketë të ngjashme me paketën e parë, e cila kishte karakter të përkohshëm, apo do të merrnim disa masa apo iniciativa ligjore që do kishin karakter të përhershëm. Duke parë situatën ekonomike, që me shumë gjasa do vazhdojë edhe për vitin e ardhshëm, ne vendosëm të marrim këto masa”, theksoi ajo.

Këshilli i Ministrave vendosi ditën e djeshme rritje të pagave për punonjësit në Policinë e Shtetit, Policinë e Bugjeve, zjarrfikëset dhe administratën publike.

LEXONI GJITHASHTU

• Takimi me ambasadorët, Ibrahimaj: Do vijojmë konsultimet për amnistinë fiskale
• Amnistia fiskale, Ibrahimaj: Ka një listë të gjatë të individëve që nuk përfitojnë
• Amnistia fiskale, BE për Euronews Albania: Të shqetësuar për draftin aktual