IDF vret një 15-vjeçar gjatë një operacioni në Liban

Një adoleshent 15-vjeçar është vrarë dhe një person tjetër ka mbetur i plagosur gjatë një operacioni ushtarak izraelit në jug të Libanit. Lajmi është bërë i ditur nga Ministria e Shëndetësisë e Libanit.

Sipas agjencisë kombëtare të lajmeve, e cila citon Qendrën Operative për Emergjencat Shëndetësore, forcat izraelite kanë hyrë në orët e para të mëngjesit në qytetin Halta, në distriktin Hasbaya, ku kanë rrëmbyer një banor lokal.

Në deklaratë thuhet se operacioni është zhvilluar nën zjarr të dendur, çka ka çuar në vdekjen e 15-vjeçarit dhe plagosjen e një personi tjetër.