“Ika pa familjen”- Sulmet e Izraelit në Rafah, rrëfehet 22-vjeçarja që la vendin

Ndërsa bombardimet izraelite vazhdojnë në Rafah, një person që ka arritur të shpëtojë në siguri gjatë javës së kaluar është Daiana Albukhari.

Sipas BBC, 22-vjeçarja financoi 12,000 dollarë, gjë që i mundësoi asaj të ikte në Egjipt, ku aktualisht po qëndron me miqtë e saj.

“Kur kalova kufirin, zhurma e dronëve filloi të zhdukej. Ndjeva se diçka nuk shkonte sepse jam jashtë Gazës, e sigurt dhe nuk e meritoj të jem”, i tha ajo BBC Asian Network.

Ndjenja e sigurisë ka ardhur me një çmim emocional për të lënë pas familjen e saj, e cila është ende në Rafah.

“Unë thjesht ndihem fajtore, nuk e meritoj të gjithë këtë ndërsa njerëzit dhe familja ime janë në atë situatë, nën bombardime,” thotë ajo.

“U largova nga Gaza sepse mamaja ime këmbënguli që të largohesha. Nuk doja”, tha më tej 22-vjeçarja.

Daiana ka folur për herë të fundit me familjen e saj katër ditë më parë, por që atëherë ka “humbur lidhjen”.

LEXONI GJITHASHTU:

• OKB: Rreth 80.000 njerëz u larguan nga qyteti Rafah
• AP: SHBA pezulloi dërgesën e 3500 bombave në Izrael përpara ofensivës Rafah