IKMT rikthehet në Vlorë, shembet një objekt biznesi

Inspektorati Kombëtar i Mbrojtjes së Territorit, mëngjesin e kësaj të enjteje, ka qenë sërish në Vlorë.

Në qytetin bregdetar, IKMT ka shembur një objekt biznesi që funksiononte prej vitesh si bar-kafe, i ndërtuar në themelet e pallatit 1300, që u dëmtua nga tërmeti i 26 nëntorit 2019.

Sipas raportimeve, shembja e kësaj godine biznesi është kryer për arsye se ky pallat i dëmtuar do të rehabilitohet dhe, pikërisht, ky ndërtim ishte arsyeja që e pengonte realizimin e projektit.

Pallati, prej 2019-s, vazhdonte të ishte i dëmtuar dhe shpesh banorët e kësaj zone, kanë kërkuar shembjen e objektit dhe vazhdimin e projektit rehabilitues.

Pak ditë më parë ka mbërritur shkresa zyrtare me një vendim të Qeverisë Shqiptare, e cila i dha dritën jeshile shembjes së pallatit. Ndërkohë, është miratua dëmshpërblimi për të, ku i hapi rrugën shembjes së objektit të biznesit.

Tashmë, në Vlorë pritet të nisë puna për rehabilitimin e godinës 5-katëshe, në zonën e Çoles, pjesë e lagjes “24 Maji”, të emërtuar “Pallati 1300” në Vlorë.

LEXONI GJITHASHTU:

• IKMT shpërthen godinën në Theth, tensione mes banorëve dhe policisë