Ikonë e televizionit italian, ndërron jetë gazetari i njohur

Ka ndërruar jetë në moshën 84-vjeçare gazetari i njohur italian Maurizio Costanzo.

Costanzo ka qenë autor, botues, drejtues televiziv dhe skenarist mjaft i njohur në Itali.

Lajmi për vdekjen e tij u konfirmua nga zyra e shtypit të 84-vjeçarit. Ai ka kryer dhjetëra programe televizive, por popullaritetin më të madh e arriti duke drejtuar emisionin e bisedave “Bontà loro” në Rai.

Por emri i tij është i lidhur edhe me emisionin Maurizio Costanzo, i transmetuar që nga viti 1982 në Mediaset. Ndër programet e tij më të njohura, është edhe e “Diela e mirë”.

Ai ka shkruar libra të shumtë, duke përfshirë “Chi mi credo di essere” (2004, në bashkëpunim me G. Dotto), “E che sarà mai?” (2006), “La strategia della tartaruga” (2009), “Storia e testi” (2015), “Vi racconto l’Isis” (2016).

LEXONI GJITHASHTU:

• I zhdukur prej 7 muajsh, por Gjykata e Lartë shqyrton rekursin e Vis Martinaj
• U mbajt dy javë nën vëzhgim në Dubai, si policia arriti tek atentatori i prokurorit
• “Rama të mos bëjë gjyqtarin”/ Balla i përgjigjet Ahmetaj: PS nuk është zyrë avokatie