Mjeku Ilir Alimehmeti pritet të dorëzojë këtë të mërkurë kandidaturën për t’u futur në garë në primaret e Partisë Demokratike.

Alimehmeti do të jetë në këtë garë përballë deputetit Belind Këlliçi dhe ish-deputetit Gerti Bogdani.

Fituesi i primareve në Tiranë do të jetë kandidati i i Rithemelimit dhe Partisë së Lirisë, i cili do të jetë në garë me kreun e Bashkisë së Tiranë, Erion Veliaj në garën e 14 majit.

PD ka njoftuar se afati për regjistrimin e kandidatëve për primaret të jetë data 6 nëntor ora 20:00.

Më datë 13 nëntor pritet të bëhet prezantimi i kandidaturave dhe data 4 dhjetor do të jetë ajo e mbajtjes së primareve në të gjitha bashkitë, përveç Tiranës, Elbasanit dhe Durrësit, procesi në të cilat pritet të mbyllet brenda nëntorit.

LEXONI GJITHASHTU:

• Gert Bogdani shpall kandidaturën për Tiranën
• A është i preferuari i Berishës në primaret për Tiranën? Flet Belind Këlliçi
• Belind Këlliçi zyrtarizon kandidaturën për Bashkinë Tiranë