Ilir Bejtja: Rënia e çmimit sot në bursë do të reflektohet nesër

Ilir Bejtja tha se nuk ka asnjë informacion e rritja e çmimit të naftës po manipulohet nga operatorët. Zv. ministri i Infrastrukturës zbuloi se deri tani kanë verifikuar që disa nga operatorët kryesorë kanë reflektuar në mënyrë ditore luhatjet e bursës.

Rënia e çmimit sot në bursë, do të reflektohet nesër,” – tha ai për “Sot” në Euronews Albania.

Bejtja tregoi se Autoriteti i Konkurrencës është vazhdimisht në vrojtim të tregut të karburanteve dhe të mallrave që shiten në bursë.

“Qeveria është duke studiuar gjithë situatën e cila është në lëvizje dinamike, të paktën në këto ditë. Të shikojmë si do të jenë perspektivat e këtij tregu. Mund të ndodhë që ky tërbim i tregut mos të jetë permanent,” u shpreh zv. ministri.

Kur Jonida Shehu e pyeti rreth subvencionimit, Bejtja u përgjigj disa herë me frazën: “Ai është treg privat”.

Sipas tij e vetmja mundësi që kanë autoritetet është monitorimi i rritjes së çmimit dhe prekja e taksave. Mundësia e dytë do të prekte direkt buxhetin.

LEXONI GJITHASHTU:

• Bie çmimi i naftës në bursë më 3%, reflektohet në karburantet Shqiptare