Ilir Meta: Ftoj socialistët të ndëshkojnë Edi Ramën

Kryetari i Partisë së Lirisë, Ilir Meta ka ftuar çdo qytetar shqiptar, përfshirë edhe socialistët, që të ndëshkojnë me votë kryeministrin Edi Rama.

Në një deklaratë për mediat, Meta u shpreh se edhe në kohë krize, qeveria nuk u kujdes për shtresat më në nevojë, por vazhdoi me aferat korruptive.

“Unë e thashë shumë qartë. Ne do t’i ftojmë të gjithë qytetarët shqiptarë, përfshirë edhe socialistët e ndershëm. Ne do t’i ftojmë të gjithë të ndëshkojnë Rilindjen, këtë sekt të babëzitur, që nuk njeh ligj, që nuk njeh asnjë normë njerëzore.

Në këtë kohë krize, në vend që të japë paketa për shtresat më të varfra të popullsisë, përsëri kanë vetëm një merak, si të vazhdojnë të vjedhin me inceneratorët, si të vazhdojnë të bëjnë afera edhe më të rënda, dhe si të fusin në stres dhe pasiguri qytetarët shqiptarë”, theksoi ai.

LEXONI GJITHASHTU

• Amnistia fiskale do favorizonte botën e krimit, thotë Meta
• Yuri Kim: Ka përpjekje për të joshur apo frikësuar gjyqtarët dhe prokurorët
• Euronews Albania zbardh disa nga konkluzionet e PS për Reformën Territoriale