Ilir Meta rikonfirmohet në krye të Partisë së Lirisë

Ilir Meta është rikonfirmuar në krye të Partisë së Lirisë.

Pas votimit të kryer në Konventën e kësaj force politike, nga 722 delegatë, 719 votuan pro dhe 3 kundër.

“Në votim kanë marrë pjesë 722 delegatë. Në votimin për Kryetarin e Partisë së Lirisë, morën pjesë 722 delegatë, nga të cilët 719 votuan pro kandidatit për Kryetar të Partisë së Lirisë, Z. Ilir Metaj dhe 3 delegatë votuan kundër. Nga rezultati, Komisioni i Zgjedhjeve të Partisë së Lirisë, shpall fitues për postin e Kryetarit të Partisë, Z. Ilir Metaj’, bëri të ditur Sekretarja për marrëdhëniet me publikun në PL, Silva Caka.

Meta ishte i vetmi kandidat në garën për kreun e kësaj force politike.

Gjatë fjalës së tij në Konventë, Meta prezantoi modelin ekonomik që propozon Partia e Lirisë duke nisur nga rritja e pagave, ulja e barrave fiskale dhe sistemi fiskal për thithjen e investitorëve të huaj.

LEXONI GJITHASHTU

• Meta voton për kreun e PL-së: Shqiptarët të na japin fuqi, ne u japim llogari
• Taksa mbi naftën, Meta: Absurde, qeveria ka mbledhur miliona euro nga qytetarët
• Premton Meta: Do investojnë për të rritur prodhimin vendas të energjisë