Gazetarja Ilva Tare voton dhe raporton nga qendra e saj e votimit

Gazetarja, Ilva Tare raportoi nga qendra e votimit në shkollën “Kosova” pasi kreu dhe vetë votimin në këtë qendër.

Gazetarja pohoi se pati identifikimin biometrik, votoi me kartën e identitetit dhe i vunë dhe shenjën në gisht.

Sipas gazetares Tare, problemi kryesor gjatë procesit deri në orët e para të mëngjesit ka qenë me vendosjen e kartës në pajisje. Ajo sqaroi se ka qytetarë që kanë pritur edhe një orë për të votuar.

“Demokracia nuk është një spektakël që e shikon si në kinema, nga shtëpia, demokracia do veprim dhe angazhim të të gjithëve, kështu që sot na takon të votojmë të qetë, të votojmë për Shqipërinë, për Shqipërinë europiane,” – u shpreh Ilva Tare.

Në fund të raportimit të saj, ajo bëri thirrje për qytetarët që të marrin  pjesë në Exit Poll-et që organizon Euronews Albania në bashkëpunim me MRB.

Kuti të improvizuara do të jenë jashtë qendrave të votimit ku qytetarët do të mund të votojnë në fshehtësi,  në mënyrë që nga ky proces të mësojmë një rezultat paraprak.

LEXONI GJITHASHTU:

• Zgjedhjet në Shqipëri, si ka qenë pjesëmarrja në votime ndër vite
• Zgjedhjet për qeverinë e re, ku votojnë liderët
• Problemet me pajisjen e identifikimit biometrik vonojnë nisjen e votimit në disa qarqe