‘Impuls i ri për hetimin e grupeve kriminale’, pse u bënë ndryshimet në polici

Këtë të enjte, Drejtori i Përgjithshëm i Policisë së Shtetit, Gledis Nano ka bërë ndryshime në kupolën drejtuese të këtij institucioni.

Gazetari i Euronews Albania, Eni Ferhati raporton se ndryshimet vijnë në këtë fazë për shkak të disa ngjarjeve të rënda që kanë ndodhur kohët e fundit.

Sipas informacioneve e burimeve nga Drejtoria e Përgjithshme e Policisë, kjo lëvizje është argumentuar me një impuls të ri që duhet t’i jepet hetimit të grupeve kriminale në vend.

Këtu bëhet fjalë për aksin Fushë-Krujë-Lezhë, aks në të cilin ka ndodhur dy atentate ku kanë mbetur të vrarë katër persona dhe një tjetër u plagos rëndë.

Nga ana tjetër, gjatë ditëve në vijim pritet që të zbulohet edhe emri i ri i Drejtorit të Policisë së Durrësit. Një qark mjaft problematik për shkak të zhvillimeve në port me trafikun e kokaniës.

• Ndryshimet në kupolën e Policisë së Shtetit

Tonin Vocaj është emëruar zëvendës Drejtor i Përgjithshëm i Policisë së Shtetit, duke u larguar nga posti i Drejtorit të Departamentit të Policisë Kriminale.

Në këtë post, tanimë do të jetë drejtor Neritan Nallbati, i cili kishte mbajtur detyrën e Drejtorit të Policisë së Durrësit.

Albert Dervishi, i cili ishte zëvendësi i Gledis Nanos, tashmë i zëvendësuar nga Tonin Vocaj, do të transferohet në Akademinë e Policisë.

LEXONI GJITHASHTU

• Ndryshime në kupolën e Policisë së Shtetit, pritet rokadë edhe në rang qarqesh
• Largohet nga detyra kreu i Policisë Kufitare, pritet rokadë në disa drejtori
• Dumani u arrestua i plagosur, Gledis Nano: Janë kapur dhe tre persona të tjerë