“Inceneratori i Tiranës pa hetim”, Kryemadhi: S’kam besim te Prokuroria

Deputetja e Partisë së Lirisë Monika Kryemadhi tha në një intervistë për Euronews Albania se, denoncimi me fakte që ajo ka bërë për inceneratorin e Tiranës ende nuk është hetuar nga Prokuroria e Posaçme, SPAK.

Kryemadhi u shpreh se nuk ka besim se prokuroria do ta zbardhë këtë çështje, edhe pse siç theksoi do të vijojë deri në fund denoncimin e asaj që e quajti aferë korruptive.

“Prokuroria nuk ka nisur asnjë hetim për inceneratorin e Tiranës ose është shantazhuar nga qeveria dhe nuk po vepron. Unë nuk kam ndonjë besim te prokuroria. Prokurori i ri është administrativ, dosja është ndarë që më parë. Aty ka të bëjë me vullnetin e drejtësisë për ta zbardhur çështjen. Unë e kam bërë detyrën si qytetare që ta çoj deri në fund. Edhe informimi i opinionit publik është i vështirë me media që kanë përfituar për sponsor nga inceneratori”, tha Kryemadhi.

LEXONI GJITHASHTU:

• “Mbetjet groposen”- Kryemadhi: Çfarë zbuluam nga filmimet në inceneratorin e Tiranës
• Balla për inceneratorët: Kush është i përfshirë në afera të dalë para ligjit