Incidentet jashtë stadiumit në Shqipëri – Letoni, FIFA gjobit FSHF me 10 mijë franga

Komisioni i Disiplinës i FIFA-s ka vendosur të gjobisë Federatën Shqiptare të Futbollit me 10 mijë franga zvicerane, për incidente të ndodhura jashtë stadiumit “Air Albania” gjatë ndeshjes Shqipëri – Letoni, më 9 shtator 2025, në kuadër të eliminatoreve të Botërorit 2026.

FSHF bën me dije se do ta apelojë këtë vendim në instancat përkatëse të FIFA-s dhe ka nisur procedurat ligjore.

Federata u bën thirrje tifozëve që në ndeshjet e ardhshme të tregojnë qytetari dhe të mbështesin Kombëtaren pa shkaktuar situata që dëmtojnë imazhin dhe interesat e saj. Po ashtu, kërkojmë bashkëpunim të plotë nga institucionet e rendit për të siguruar që çdo sfidë të jetë një festë futbolli.

LEXONI GJITHASHTU:

• PSG përmbys Barcelonën në Camp Nou, ndalen Manchester City dhe Juventus
• Motivimi i Sylvinhos në dhomat e zhveshjes, FSHF ndan pamjet pas sfidës me Letoninë