Më shumë se një mijë indianë janë “kthyer ose janë deportuar” nga Shtetet e Bashkuara që nga janari, tha ministria e jashtme e Indisë.
- Advertisement -
Zëdhënësi Randhir Jaiswal tha se rreth 62% e tyre erdhën me fluturime komerciale, pa dhënë më shumë detaje.
Kjo vjen pas fushatës së Presidentit Donald Trump kundër migrantëve pa dokumente në SHBA. Trump kishte thënë më parë se India “do të bëjë atë që është e drejtë” për deportimin e migrantëve të paligjshëm.
Në shkurt, SHBA-të kishin deportuar më shumë se njëqind indianë me një fluturim ushtarak amerikan, sipas raportimeve disa prej tyre u kthyen të prangosur.