Industria e automjeteve në krizë, Habeck: Mbështetje sektorit, jo tarifave me Kinën

Ministri i Ekonomisë së Gjermanisë ka deklaruar se do ta mbështesë industrinë vendase të automjeteve, por heziton për rritjen e tarifave për makinat elektrike kineze.

“Nuk jam një fans i tarifave, sepse kjo me shumë gjasa do të çojë drejt kundërmasave dhe do të na fusë në një përplasje tarifash, në mos luftë, me Kinën. Ndaj apeloj për një zgjidhje politike”, tha Robert Habeck, ministër i Ekonomisë së Gjermanisë.

Industria gjermane e automjeteve po përjeton një krizë kur bëhet fjalë për prodhimin e makinave elektrike. Prodhuesit ankohen për konkurrencën kineze, që arrin t’i mbajë kostot e prodhimit të ulëta përmes subvencioneve.

Shumë prodhues gjermanë, përfshirë “Volkswagen”, po shqyrtojnë mbylljen e impianteve me qëllim rritjen e përfitimeve. Ministri Habek theksoi nevojën për një zgjidhje afatgjatë dhe paralajmëroi se ato të shpejta mund ta fusin industrinë sërish në kolaps.

LEXONI GJITHASHTU:

• Scholz thotë se Gjermania s’do t’i japë leje Ukrainës për armët me rreze të gjatë
• Zgjedhjet në Gjermani, partia e Scholz kërkon të ndalë të djathtët në Bradenburg