“Inflacioni, çështje e zgjidhur”- Trump: Tregjet janë rikuperuar pas tarifave
Presidenti Donald Trump ka deklaruar se e ka zgjidhur çështjen e inflacionit, pavarësisht trazirave të shumta që kanë përfshirë tregjet si pasojë e tarifave reciproke të vendosura prej tij.
Duke folur nga Dhoma Ovale gjatë takimit me presidentin e El Salvadorit, Nayib Bukele, Trump iu referua raportit të muajit të kaluar mbi çmimet e konsumit, që tregon një kuotë prej 2.4 për qind për muajin mars.
“Ne duhet t’i zgjidhim problemet dhe e kemi zgjidhur inflacionin. Nëse shihni shifrat, ato janë të besueshme. Edhe tregjet financiare janë në ngritje”, tha Trump.
Ai theksoi se nuk do të lejojë që vendet e tjera të përfitojnë ndaj Shteteve të Bashkuara sikurse kanë bërë në 40 vitet e fundit.
Trump foli edhe për njoftimin e gjigantit të teknologjisë “Nvidia” dhe njoftimin se do të prodhojë super kompjuterë me inteligjencë artificiale për herë të parë në Amerikë, si shenjë e suksesit të tarifave të tij.
“Ky është një nga njoftimet më kryesore që do të dëgjoni, pasi “Nvidia” kontrollon thuajse të gjithë sektorin, një ndër sektorët më të rëndësishëm në botë, i përbërë nga qarqe elektronike, gjysmë përçues dhe gjithçka tjetër. Ata janë më të mirët”, tha Trump.
Presidenti amerikan foli pas një jave të turbullt për tregjet, gjatë të cilës administrata e tij tërhoqi disa ngag tarifat më agresive të saj.
Tregjet globale shënuan rritje të hënën, pasi Trump përkohësisht anuloi disa tarifa dhe tensioni i brendshëm në tregun amerikan të letrave me vlerë u lehtësua.
LEXONI GJITHASHTU:
Rrëfehet e mbijetuara 12 vjecare nga termeti në Venezuelë: Gjeta nje shishe ketchup dhe pak djathë për të qëndruar e vetëdijshme
Të shtëna me armë në Gjermani, humbin jetën dy persona
Vidhen bizhuteri me vlerë rreth 4 milionë euro në muzeun ‘Lalique’ në Francë, nisin hetimet
- 10:50 Rrëfehet e mbijetuara 12 vjecare nga termeti në Venezuelë: Gjeta nje shishe ketchup dhe pak djathë për të qëndruar e vetëdijshme
- 10:48 Të shtëna me armë në Gjermani, humbin jetën dy persona
- 10:42 Ambasadori Bergner: Protestat janë të mirëpritura kur mbështesin vlerat e Bashkimit Evropian
- 10:19 Arrestohet 20-vjeçari i dyshuar për zjarrin masiv në fshatin Drizë të Fierit
- 10:19 Vidhen bizhuteri me vlerë rreth 4 milionë euro në muzeun ‘Lalique’ në Francë, nisin hetimet
- 10:12 Robotët humanoidë zbresin në fushën e futbollit në RoboCup 2026