Inteligjenca amerikane ishte në dijeni të planit të Prigozhin kundër ushtrisë ruse

Ndërsa rebelimi i Prigozhin duket se e kapi Kremlinin në befasi, agjencitë e spiunazhit amerikan kishin marrë tashmë shenja se ai po planifikonte të vepronte dhe kishin informuar Presidentin Biden së bashku me udhëheqësit kryesorë të kongresit në fillim të kësaj jave, raportojnë mediat amerikane.

Inteligjenca amerikane zbuloi se udhëheqësi i grupit mercenar po grumbullonte armë, municione dhe pajisje të tjera pranë kufirit me Rusinë, raportoi CNN.

New York Times raporton se Presidenti Biden foli me liderët e Francës, Gjermanisë dhe Britanisë për shkak të shqetësimeve se kontrolli i Putinit mbi arsenalin e madh të armëve bërthamore të Rusisë mund të rrëshqasë mes kaosit.

Shefat e spiunazhit të SHBA-së kishin gjurmuar marrëdhëniet e përkeqësuara midis Prigozhin dhe zyrtarëve rusë të mbrojtjes për muaj të tërë dhe inteligjenca kishte arritur në përfundimin se ishte një shenjë se lufta në Ukrainë po shkonte keq si për Ëagnerin ashtu edhe për ushtrinë e rregullt, thotë gazeta.

LEXONI GJITHASHTU:

• Wagner tërhiqet nga qytetet ruse, por çfarë pritet të ndodhë më pas
• VIDEO| Trupat e Wagner tërhiqen nga Rostov-on-Don me duartrokitje e të shtëna armësh