Inteligjenca ruse: Franca do dërgojë ushtarë në Ukrainë

Inteligjenca ruse pretendon se Franca do të dërgojë rreth 2 mije trupa ne Kiev. Zyrtari i lartë i Kremlinit shprehet se Moska nuk do te qëndroj duarkryq. Ndërkohë ministria e mbrojtjes së Francës i ka cilësuar deklaratat e Moskës si pjesë të fushatës së lajmeve të rreme.

‘Franca është duke  përgatitur një kontingjent ushtarak  që do të dërgohet në Ukrainë’ kështu u shpreh drejtori i Shërbimit të Inteligjencës së Jashtme Ruse. Në fazën e parë, kontingjenti do të ketë 2000 ushtarë, shtoi ai.

“Udhëheqjes aktuale të vendit nuk i intereson vdekja e francezëve të zakonshëm dhe shqetësimet e gjeneralëve. Sipas të dhënave të marra nga shërbimi i inteligjencës së jashtme ruse, kontingjenti tashmë po përgatitet për t’u dërguar në Ukrainë’ bëri me dije kreu i Inteligjencës së Kremlinit duke shtuar se njësia franceze do të bëhet një objektiv prioritar i ushtrisë ruse.

Zyrtari i lartë u shpreh  se ushtria franceze është jashtëzakonisht e shqetësuar për numrin në rritje të francezëve që vdiqën në Ukrainë.

Çdo njësi ushtarake franceze e dërguar në Ukrainë do të ishte objektiv kryesor, ka thënë shefi i inteligjencës së jashtme të Rusisë.

“Kjo do të thotë se do ta priste fati i të gjithë francezëve që kanë ardhur ndonjëherë në territorin e botës ruse”, -theksoi zyrtari i lartë rus.

LEXONI GJITHASHTU:

• Reputacioni digjital/ Atletët garojnë për pëlqime në internet përpara olimpiadës
• Dita e lumturisë, raporti i kombeve të bashkuar, Shqipëria e parafundit në Europë