Investimet dhe integrimi europian, Rama takon kryeministrin e Landit Nordrhein-Westfalen
Kryeministri Edi Rama zhvilloi një takim me Kryeministrin e Landit Nordrhein-Westfalen, Hendrik Wüst, gjatë vizitës së tij zyrtare në Republikën Federale të Gjermanisë.
Në qendër të bisedimeve ishte forcimi i bashkëpunimit mes Shqipërisë dhe Nordrhein-Westfalen, një prej rajoneve më të fuqishme ekonomike dhe industriale të Gjermanisë.
Diskutimet u përqendruan në zgjerimin e investimeve, zhvillimin e teknologjisë digjitale, arsimin profesional, si edhe mbështetjen për procesin e anëtarësimit të Shqipërisë në Bashkimin Europian.
Vizita e Kryeministrit Rama në Landin e Renanisë Veriore-Vestfalisë përfshin gjithashtu pjesëmarrjen në Ruhr Summit, një nga ngjarjet më të rëndësishme në Europë kushtuar inovacionit, sipërmarrjes dhe teknologjisë.
Në kuadër të samitit, Kryeministri Rama do të mbajë një fjalim në panelin kryesor me temë “IA, Fuqia dhe Progresi: Rishikimi i Lidershipit për një Epokë të Re”, ku do të trajtojë ndikimin e inteligjencës artificiale në transformimin e shoqërisë, ekonomisë dhe qeverisjes.
Më pas, ai do të marrë pjesë në diskutimin me temë “IA mes Inovacionit, Rregullimit dhe Përgjegjësisë”, së bashku me përfaqësues të njohur të sektorit të teknologjisë, biznesit dhe konsulencës ndërkombëtare, duke ndarë vizionin e Shqipërisë për zhvillimin e teknologjive të reja dhe rolin e tyre në nxitjen e inovacionit dhe rritjes ekonomike.
“Rama gati të negociojë me protestuesit”, e zbulon Blendi Klosi dhe flet për “dorëheqjen” e Qeverisë
“Kjo nuk është Shqipëria e Re, është kaos i ri, anarki”, Klosi: Edhe ne si PS kemi protestuar
“E duan Shqipërinë shesh për horrllëk e pisllëk”, Rama: Korbat dhe sorrat do dështojnë
- 10:41 Një grup protestuesish mblidhen jashtë ambienteve të SPAK-ut, dorëzojnë “librin” ‘The Albanian Files’
- 10:40 Aksion i gjerë i Prokurorisë Speciale dhe Policisë në Kosovë, bastisen disa objekte, dyshime për pastrim parash
- 10:38 Braho në Komisionin e Reformës Zgjedhore: Hetimi i krimit zgjedhor duhet të ndjekë gjurmën e parasë
- 10:27 U aksidentua për vdekje në Pogradec, policia: 32-vjeçari po arratisej me makinën që kishte vjedhur
- 10:11 Sulme të koordinuara me bomba artizanale ndaj banesave të 3 zyrtarëve të Demokracisë së Re në Selanik, 5 të plagosur
- 10:10 Aksidenti i rëndë në autostradë, Spitali i Traumës del me njoftim të ri për gjendjen e të plagosurve