Irani ekzekuton 3 të dënuar për vrasjen e policëve gjatë protestave, bashkëpunonin edhe me Izraelin

Irani ka ekzekutuar tre persona të dënuar për vrasjen e oficerëve të policisë dhe kryerjen e operacioneve në favor të Shteteve të Bashkuara dhe Izraelit gjatë trazirave në fillim të këtij viti në vend.

Irani ka ekzekutuar të mërkurën edhe një burrë të akuzuar për spiunazh për Izraelin, sipas agjencisë së lajmeve Mizan të gjyqësorit iranian. 

Raportohet se burri, i identifikuar si Kurosh Keyvani, u shpall fajtor për ofrimin e fotografive dhe informacioneve në lidhje me vende të ndjeshme në Iran për agjencinë e spiunazhit të Izraelit, Mossad. 

Autoritetet raportojnë se 3,117 persona u vranë gjatë protestave kundër establishmentit që filluan në fund të dhjetorit, duke hedhur poshtë deklaratat e Kombeve të Bashkuara dhe organizatave ndërkombëtare të të drejtave të njeriut se forcat shtetërore ishin pas vrasjeve.