Irani godet objektivat në Pakistan, reagon Islamabadi: Janë vrarë 2 fëmijë

Pakistani njoftoi sot se Irani kishte shkelur hapësirën e tij ajrore dhe kishte vrarë dy fëmijë, disa orë pasi media shtetërore iraniane njoftoi se dy baza të grupit militant Jaish al-Adl në Pakistan ishin në shënjestër të një sulmi raketor.

Zëdhënësi i Ministrisë së Punëve të Jashtme të Pakistanit theksoi në një deklaratë se incidenti mund të ketë “pasoja të rënda” dhe ishte “plotësisht i papranueshëm”, sipas Reuters. Irani pretendon se anëtarët e grupit Jaish al-Adl kanë kryer më parë sulme ndaj forcave iraniane të sigurisë në zonën kufitare me Pakistanin.

“Këto baza u goditën dhe u shkatërruan nga raketa dhe dronë”, thanë media shtetërore iraniane, pa dhënë detaje. Nurneës e Iranit, e lidhur me strukturat e sigurisë, njoftoi se bazat në provincën Baluchistan të Pakistanit u sulmuan, ndërsa Islamabad nuk përmendi vendndodhjen.

Pakistani bëri një protestë me Teheranin lidhur me incidentin dhe kreu i misionit diplomatik iranian në Islamabad u ftua në Ministrinë e Punëve të Jashtme, raporton Reuters.

Garda Revolucionare e Iranit njoftoi të hënën se sulmoi “qendrat e spiunazhit dhe vendet e grumbullimit të grupeve terroriste anti-iraniane” në Erbil, Irak.

Më herët sot, Irani njoftoi se kishte lëshuar raketa balistike në objektiva në Irak dhe Siri për të mbrojtur sovranitetin dhe sigurinë e tij, si dhe për të luftuar terrorizmin.

LEXONI GJITHASHTU:

• SHBA dënon Iranin për sulme raketore në Irakun verior
• SHBA: Nuk duam konflikt me Iranin