Irani mbyll zyrat e qeverisë, bankat dhe shkollat për shkak të të nxehtit përvëlues

Irani ka deklaruar pushim gjithëkombëtar dyditor, për shkak të temperaturave tejet të larta, njoftuan të martën mediat shtetërore.

Zëdhënësi i Qeverisë së Iranit, Ali Bahadori Jahromi, tha se vendimi për t’i mbyllur zyrat qeveritare, bankat dhe shkollat të enjten dhe të mërkurën, erdhi pasi Ministria e Shëndetësisë paralajmëroi për një rritje të mundshme të rasteve të lodhjes nga nxehtësia, për shkak të temperaturave të larta që e kanë kapluar vendin, raportoi agjencia e lajmeve IRNA.

Në ditët e fundit, qytetet dhe qytezat e Iranit përjetuan temperatura rreth 40 gradë Celsius.

LEXONI GJITHASHTU:

• OBSH ngre alarmin për klimën, 60 000 jetë të humbura nga nxehtësia ekstreme në 2022
• Gati 200 milionë njerëz në SHBA po përballen me nxehtësinë ekstreme