Ish-ambasadori izraelit: Paqja dhe Hamasi ‘nuk shkojnë bashkë’

Ish ambasadori izraelit në Mbretërinë e Bashkuar, Mark Regev, është shprehur se paqja me Hamasin është e pamundur.

“Paqja dhe Hamasi nuk shkojnë bashkë”, është shprehur Mark Regev.

“Është e pamundur të kemi paqe me Hamasin dhe ata e kanë thënë këtë publikisht”, tha Regev për programin Neëshour të BBC-së të hënën në mbrëmje.

Sipas mediave të huaja, besohej se ai i referohej një komenti në fillim të këtij muaji nga Taher El-Nounou, një këshilltar mediatik i Hamasit, i cili i tha Neë York Times se grupi shpreson se lufta me Izraelin “do të bëhet e përhershme në të gjithë kufijtë”.

“Dhe kjo është arsyeja pse publiku izraelit është 100% i bashkuar duke thënë se ne refuzojmë të jetojmë pranë kësaj enklave terroriste në kufirin tonë jugor. Dhe ne duhet të flasim për një të ardhme pa Hamasin,” tha Regev.

I pyetur nëse Izraeli do të mbështesë rindërtimin në Rripin e Gazës, i cili është shkatërruar gjerësisht nga bombardimet hakmarrëse të Izraelit, Regev tha se buxheti i vendit të tij është i fokusuar në rindërtimin e komuniteteve në Izraelin jugor.

Ai shtoi se pret që shumë partnerë ndërkombëtarë të jenë të gatshëm të financojnë përpjekjet e rindërtimit të Gazës.

“Nuk duhet të jenë paratë izraelite… Kjo nuk është një luftë që ne e filluam apo që ne e donim, siç e dini. Hamasi mban përgjegjësinë për shpërthimin e armiqësive,” tha ai.

LEXONI GJITHASHTU:

• Izraeli dhe Hamasi bien dakord për armëpushim dhe lirim pengjesh
• Kryeministri i Libanit: Dy gazetarë janë vrarë nga sulmet izraelite në kufi