Ish-ambasadori: Ja çfarë duhet të bëjë Kosova për Asosacionin

Ish-ambasadori i Kosovës në Kroaci, Gëzim Kasapolli thotë se në Kosovë duhet që të gjithë aktorët politikë të brendshëm, të krijojnë një statut për Asosacionin dhe t’ia dërgojnë ndërkombëtarëve.

Në emisionin “Balkan Talks” në Euronews Albania, Kasapolli u shpreh se kjo duhet bërë sa më shpejt.

Sipas tij, nëse BE-ja imponon një statut me të njëjtat modalitete siç ka nënvizuar presidenti serb, Aleksandër Vuçiç, atëherë Kosova do të përballet me barrën e dështimit të negociatave.

“Duhet të krijojmë një statut së bashku me të gjithë aktorët politikë të brendshëm, në mënyrë që atë statut, pastaj t’ia ofrojmë bashkësisë ndërkombëtare, si një mekanizëm dhe një ofertë, jashtë së cilës nuk mund të dalim. Këtë duhet ta bëjmë sa më shpejt që është e mundur, të gjithë së bashku.

Nëse na imponohet një gjë e tillë nga BE, me modalitete të cilat i ka theksuar edhe vetë zoti Vuçiç, atëherë unë besoj se ne do të vendosemi para aktit të kryer dhe do të marrim mbi supet tona, barrat e dështimit të negociatave. Kjo është arsyeja pse ky statut i Asosacionit duhet të jetë i hartuar në mënyrë të kujdesshme”, theksoi ai.

LEXONI GJITHASHTU

• Kurti: Nuk jam ftuar në takimin e Ambasadës së SHBA-ve për Asociacionin
• “Kërkojnë Asociacion një-etnik’, Kurti flet pas darkës me zyrtarin e BE, Lajçak
• Kurti pranon asosacionin? Lajçak: Asnjë model që s’ka funksionuar, nuk do aplikohet