Ish-ambasadori Ukshini: Marrëdhënia Kosovë-Shqipëri, ç’po ndodh të pikëllon

Ish-ambasadori i Kosovës Sylë Ukshini e ka cilësuar lajm pikëllues, mënyrën se si po shkojnë marrëdhëniet mes Shqipërisë dhe Kosovës.

Ai tha se edhe pse nuk dyshon aspak në qëllimin e mirë të kryeministrit Rama për realizimin e draft-statutit duket se veprimi i tij po komentohet negativisht në Kosovë.

“Pa diskutim dikush mund ta relativizojë, por unë them se ëhstë një lajm që të pikëllon. Është një lajm që të pikëllon. Është një lajm që unë për vete nuk ndihem mirë por dua të hem diçka. Nuk është patetike nëse them se unë vij nga një familje dhe një racë që kemi kultivuar dashurinë për Shqipërinë edhe në kohë të vështira e të rënda, por ajo që po shikoj në rrjete sociale, ky mospajtim po përkthehet në një propagandë anti-shqipëri dhe kjo nuk më pëlqen.

Kjo po merr një dimension të padëshirueshëm, po ngjall një farë mosdurimi në të cilin kanë investuar të tjerë dhe nuk kanë arritur ta ngjallin në këtë nivel. po ndizet një lloj fryme anti-Shqipëri në Kosovë. Ne kemi një shprehje popullore, “hiq dorë nga bamirësia, për të mos hyrë në mëkate”. Unë nuk dyshoj në qëllimine  mirë të Ramës, por kam përshtypjen se këtu e kanë keqkuptuar. Unë jam diplomat dhe këto i kuptoj përtej asaj që thuhet e nuk thuhet”,-tha ish-ambasadori i Kosovës Sylë Ukshini.

LEXONI GJITHASHTU:

• “Për arsye sigurie”, qeveria e Kosovës njofton ndalimin e makinave me targa serbe
• Ambasadorja e SHBA-së në NATO kërkon rinisjen e dialogut Kosovë-Serbi