Ish-drejtori i Përgjithshëm i Burgjeve u punësua nga Ervis Martinaj | 5 zhvillimet

• Ervis Martinaj punësoi ish-drejtorin e Përgjithshëm të Burgjeve, thotë gazetari

“Ka disa zyrtarë të policisë të cilët e informonin Martinajn. Një nga drejtorët e kompanisë së tij ka qenë ish-drejtori i Përgjithshëm i Burgjeve në Shqipëri”.

Kështu u shpreh gazetari Flamur Vezaj në një intervistë për “Euronews Albania”, në lidhje me aludimet e fundit se i shumëkërkuari Ervis Martinaj mund të jetë rrëmbyer dhe ekzekutuar.

Sipas Vezajt, zyrtarë të policisë informonin Ervis Martinajn, ndaj shumë operacione për kapjen dhe arrestimin e tij kanë dështuar.

Lexoni për më shumë: Ervis Martinaj punësoi ish-drejtorin e Përgjithshëm të Burgjeve, thotë gazetari

• “Ngjarja e bllokut”, gazetarja: Vis Martinaj u largua me makinën e policisë

Gazetarja Anduena Llabani thotë se i shumëkërkuari, Ervis Martinaj është larguar me makinë policie pas ngjarjes së ndodhur në zonën e ish-Bllokut në vitin 2018 në kryeqytet, ku mbeti i vrarë Fabiol Gaxha.

Në emisionin “Now” në “Euronews Albania”, Llabani u shpreh se Martinaj u jepte hua biznesmenëve të ndërtimit në Tiranë dhe Vlorë.

Lexoni për më shumë: “Ngjarja e bllokut”, gazetarja: Vis Martinaj u largua me makinën e policisë

• Kush është prokurori që u shkarkua sot, pushoi hetimet për Gjergj Cukalin

Vetingu shkarkon nga detyra një tjetër prokuror.

Komisioni i Pavarur i Kualifikimi ka shkarkuar nga detyra, prokurorin e Tiranës Bajram Breçani. Sipas KPK-së, Breçani nuk justifikonte pasurinë dhe kishte probleme me aftësitë profesionale.

Nga hetimet e komisionit ka rezultuar se, Breçani zotëron një banesë tre katëshe, por nuk vërtetohet me dokumneta periudha e ndërtimit dhe kostot e objektit.

Lexoni për më shumë: Kush është prokurori që u shkarkua sot, pushoi hetimet për Gjergj Cukalin

• ‘Reforma në drejtësi të ecë përpara’, ambasadorja e BE-së takon kreun e SPAK

Ambasadorja e Bashkimit Evropian në Shqipëri, Christiane Hohmann zhvilloi një takim këtë të martë me kreun e Strukturës së Posaçme (SPAK) Arben Kraja dhe ministrin e Drejtësisë, Ulsi Manja.

Përmes një reagimi në rrjetet sociale, Christiane Hohmann u shpreh se sundimi i ligjit është shtylla kurrizore në rrugën e Shqipërisë drejt anëtarësimit në Bashkimin Evropian, teksa shtoi se Reforma në Drejtësi duhet të shkojë përpara.

Lexoni për më shumë: ‘Reforma në drejtësi të ecë përpara’, ambasadorja e BE-së takon kreun e SPAK

• Ish-ministri serb: Deri më 31 dhjetor të formohet Asosacioni në Kosovë

Ish-ministri i Jashtëm serb, i cili drejton Partinë Popullore në Serbi, Vuk Jeremiç deklaroi se pa formimin e Asosacionit, nuk do të ketë marrëveshje me Kosovën.

Ai theksoi se duhet të caktohet një afat, 31 dhjetori i këtij viti dhe se nëse nuk krijohet Asosacioni, Serbia duhet ta shpallë procesin e Brukselit të pasuksesshëm dhe se për të ka përfunduar.

“Është pjesë e Rezolutës për Kosovën dhe Metohinë që Partia Popullore do t’ia propozojë Kuvendit të Serbisë”, tha Jeremiç.

Lexoni për më shumë: Ish-ministri serb: Deri më 31 dhjetor të formohet Asosacioni në Kosovë