Ish-komandati: Serbia po përpiqet të manipulojë shifrat e viktimave në Koshare

Ish-komandati Hisen Berisha i ftuar në Euronews Albania foli për rëndësinë e betejës së koshares prej së cilës kanë kaluar 24 vite. Ish-komandati ka thënë mes të tjerave se Serbia tashmë po mundohet të manipulojë shifrat e ushtarëve serb të vrarë.

Sipas tij tashmë Serbia përpiqet të identifikojë vetëm ushtarët e shërbimit të detyrueshëm, por në të vërtetë kanë qenë në luftë kundër Kosovës edhe struktura të tjera.

“Serbia mundohet të evidentojë vetëm ushtarët e shërbimit të detyrueshëm, por i fsheh dhe asnjëherë nuk i përmend  të vrarët nga radhët paramilitare dhe njësitë e tjera kriminale, por që  me vendim të shtabit të përgjithshëm  të gjithë u strukturuan nën komandën e përgjithshme të ushtrisë jugosllave apo serbe dhe kanë kryer operacionet në Kosovë.

Për humbjet e  tyre kemi vetëm një deklaratë, një gjeneral ka deklaruar, për disa orë luftime ka pasur 250 të vdekur që askush nuk i përmend, sikur ata nuk kanë luftuar për atdheun, por kanë luftuar vetëm  ushtarët e shërbimit të detyrueshëm.

Ne ua kemi  dorëzuar të gjithë kufomat e ushtarëve të vrarë në frontin e Koshares, por na akuzuan e ki8shim mbajtur peng 6000. Një shqiptar i cili luftoi për Serbinë, tha se kanë  tërhequr me kamionët e ushtrisë rreth 1200  të  vdekur dhe sipas këtij burimi, të pakonfirmuar thuhet se trupat i kanë zhdukur, pasi në atë kohë nënat serbe kishin filluar të thoshin pse na i dërgoni djemtë në luftë”,-tha ish-komandati.

LEXONI GJTIHASHTU:

• E ëma e 43-vjeçarit që vrau kunatën: Migena kishte ditëlindjen me datë 13 prill
• Babai i 43-vjeçarit që vrau kunatën dhe veten: S’e kam prekur armën, i di rregullat
• Ekskluzive/ E ëma e 43-vjeçarit që vrau kunatën rrëfen ngjarjen: Landi më tregoi vet