Ish-kreu i KQZ-së, Biba: Procesi i numërimit këto zgjedhje do të jetë më i vështirë

Ish-kreu i Komisionit Qendror të Zgjedhjeve, Denar Biba tha për Euronews Albania se përdorimi i teknologjisë në këto zgjedhje zhduk çdo lloj mundësie për manovrim me votat.

Ndërkaq ai u shpreh se procesi i numërimit këto zgjedhje do të jetë më i vështirë për shkak të ndryshimit të sistemit.

Diskutimet sa i takojnë garantimit të fshehtësisë së votës, Biba i cilësoi si naivitet përballë teknologjisë.

“Teknologjia sa lehtëson punë por kur nuk e njeh edhe të krijon një lloj frikë, por është e panevojshme. Në këtë rast është garanci absolute që rezultati do të dalë shumë shpejtë, shumë saktë,” – u shpreh ai.

Sipas Bibës, numërimi për subjektet, pra partitë dhe numërimi nga ana tjetër brenda për brenda subjekteve, pra për kandidatët, do ta vështirësojë procesin e numërimit këto zgjedhje.

Ish-kreu i KQZ-së tha se nëse një kandidat do të thyejë herësin, kjo do iu japë besim qytetarëve se ndryshe nga vitet e tjera, vota për kandidatin mund të bëjë diferencën.

LEXONI GJITHASHTU: 

• Kush i vëzhgon zgjedhjet? 274 monitorues janë nga OSBE/ODIHR, KQZ ka caktuar 64 përfaqësues
• BE me 50 vëzhgues në terren, ambasadori Soreca: Qëndrojmë pranë qytetarëve
• Gazetarja Ilva Tare voton dhe raporton nga qendra e saj e votimit