Ish-kryeprokurori i Gjykatës Speciale emërohet prokuror për hetimet ndaj Trump-it

Ish-kryeprokurori i Gjyaktës Spciale në Hagë për krime lufte, Jack Smith do të mbikëqyrë hetimet penale për mbajtjen e dokumenteve të klasifikuara në resortin Mar-a-Lago nga ana e ish-presidentit Donald Trump dhe mbi rolin e tij në trazirat e 6 janarit 2021, në Kongresin Amerikan.

Lajmin e bëri të ditur Prokurori i Përgjithshëm i SHBA-së, Merrick Garland, përmes një deklarate për shtyp, shkruan Reuters.

Departamenti i Drejtësisë tha se kandidimi i ri i Trump për zgjedhjet e ardhshme presidenciale në SHBA, nxiti vendimin e Garland për të përdorur një avokat të specializuar.

Prokurori i posaçëm, Smith do t’i raportojë prokurorit të përgjithshëm Garland, i cili ka fjalën përfundimtare nëse do të ngrejë akuza.

Ai u zotua të kryejë hetimet “në mënyrë të pavarur dhe në traditat më të mira të Departamentit të Drejtësisë.”

Së fundmi, Jack Smith ka qenë kryeprokuror i Prokurorisë Speciale në Hagë që heton krimet që dyshohet se u kryen nga ish Ushtria Çlirimtare e Kosovës gjatë dhe pas luftës.

LEXONI GJITHASHTU

• Dorëhiqet Kryeprokurori i Gjykatës Speciale në Hagë
• Gjykata Speciale urdhër policisë së Kosovës: Tregoni nëse mund të mbroni në liri ish-krerët e UÇK
• Prokuroria Speciale rëndon akuzat për Thaçin, Veselin, Krasniqin e Selimin