Ish-luftëtari i UÇK: Pse shqiptarët e Shqipërisë janë më patriotë se ata të Kosovës

Ish-luftëtari i UÇK Dritan Goxhaj tha në emisionin Now në Euronews Albania se gjesti që bënë shqiptarët e Shqipërisë në vitin ‘99 duke strehuar në shtëpitë e tyre 800 mijë kosovarë është patriotizëm edhe më i madh se ai i kosovarëve vet ndaj vendit të tyre.

Ai tregoi se edhe në kohën e luftës UÇK iu bashkuan vetëm 12 mijë vetë, ndërkohë që secila forcë politike në vend kishte qindra mijëra mbështetës.

“Kur shqiptarët e Kosovës u përzunë dhe erdhën dhe shqiptarët e Shqipërisë bënë një patriotizëm, më i madh se ai që mund të bënin shqiptarët e Kosovës se ata ishin në rrezik në vendin e tyre. Qytetarët nga gjithë Shqipëria shkuan dhe morën shqiptarët e Kosovës në shtëpitë e tyre, kjo është atdhedashuri”, tha Goxhaj.

LEXONI GJITHASHTU:

• Luftoi krah UÇK-së, Goxhaj: Shkuam për nacionalizëm, ja ku ndryshon me patriotizmin
• Mentor Kikia: Flamujt i hedhin nëpër kazanë plehrash sa dalin nga stadiumi