Ish-ministri i Drejtësisë, Nasip Naço paraqitet në SPAK

Ish-ministri i Drejtësisë, Nasip Naço, është paraqitur ditën e sotme në SPAK.

Naço aktualisht është deputet i Kuvendit të Shqipërisë dhe kryetar i Komisionit të Sigurisë Kombëtare.

Naço është paraqitur në SPAK i vetëm, pa praninë e një avokati. Sipas burimeve, ai është thirrur në cilësinë e një personi që ka dijeni lidhur me një dosje që po hetohet nga SPAK.

Sipas burimeve për Euronews Albania marrja në pyetje dhe thirrja në SPAK e Naços është bërë për dosjen e famshme Çez-DIA që po hetohet prej më shumë se dy vitesh, për të cilën janë marrë në pyetje edhe ish zyrtarë të tjerë, përfshi Ilir Metën, që ka qenë në atë kohë bashkëpunëtor i ngushtë kur Naço ka qenë në LSI.

Naço në atë kohë ka qenë ministër i Ekonomisë, Tregtisë dhe Energjitikës në vitet 2011-2012.

LEXONI GJITHASHTU:

• Iu komunikua akuza, Beqaj: SPAK s’arriti të vlerësojë 2 kritere kyçe të Sterilizimit
• Hetimi për koncesionin e sterilizimit/ SPAK i komunikon akuzën ish-ministrit Beqaj