Ishte në vagonin e ‘vdekjes’, flet e reja greke: Mirënjohëse forcave të mbinatyrshme

Evdokia Tsagli, ish-konkurrente e Big Brother në Greqi, ishte një nga fatlumet që i shpëtoi përplasjes së trenave në afërsi të Larisës.

Ajo udhëtonte bashkë me miqtë e saj dhe pas aksidentit arriti të shpëtonte duke dalë nga një e çarë e vagonit të tretë, ndërsa flakët i digjnin trupin.

“Duhet të vendosja nëse do të digjesha, apo do të thyeja kockat,” – tha e reja në një intervistë më herët.

Ajo foli së fundmi në emisionin “Mismatched” në SKAI dhe përshkroi momentet tronditëse që ka përjetuar në trenin që udhëtonte për në Selanik.

“Isha në vagonin e tretë të pasagjerëve. Çfarë të të them, si jam? Nuk e di si ndihem për të folur për atë që kam pësuar fizikisht përballë kësaj tronditje të madhe mendore që kemi pësuar të gjithë së bashku. Është një vend i tërë që mban zi për humbjen masive të shpirtrave.

Mjekët më këshillojnë të mos kujtoj momentet që kam jetuar në tren. Nuk dua t’i tremb njerëzit apo të shkaktoj atë panik. Falënderoj dhe i jam mirënjohëse forcës së mbinatyrshme, apo quaje si të duash, që më mbajti në jetë mendërisht.

Ngushëllimet e mia më të thella për njerëzit që kanë humbur të dashurit. Dhimbja është për të gjithë ne, edhe nëse nuk ka pasur njohje personale në këtë ngjarje tragjike,” – rrëfeu e reja.

LEXONI GJITHASHTU:

• Demonstrata të dhunshme në Greqi, aksidenti i trenave “djeg” Athinën
• “Askush nuk duhet të mohojë përgjegjësinë”, flet babai i shqiptares që vdiq në Greqi