Ismajli në qendër të merkatos: Empoli gati ofertën, mbrojtësi kërkon të largohet

Për ta mbajtur në skuadër edhe për sezonin e ardhshëm është një mision i vështirë për Empolin, me mbrojtësin Ardian Ismajli, i cili e sheh veten gjithnjë e më larg kësaj skuadre. 28-vjeçari, që po kalon një vit fantastik në kampionatin italian dhe me kombëtaren kuqezi, kërkohet nga disa ekipe jashtë vendit, sipas raporteve nga mediat atje. Kontrata e tij skadon në vitin 2025, dhe për këtë arsye drejtuesit e Empolit nuk duan që ai të largohet falas, prandaj kanë përgatitur ofertën e re, detajet e së cilës nuk janë bërë publike.

Kontrata aktuale e tij nuk i kalon 1.8 milionë euro në sezon, dhe kjo është një arsye tjetër për të menduar për një largim, sidomos kur emrat që kanë shfaqur interes janë Napoli dhe Juventus. Vetë futbollisti, i pyetur kohët e fundit për këtë interes, refuzoi të fliste, duke thënë se nuk është koha për të komentuar merkaton.

Do të shihet se si do të zhvillohen diskutimet mes Empolit dhe menaxherit të futbollistit, i cili me siguri dëshiron të hedhë hapin e madh dhe të veshë fanellën e një ekipi kampion, mundësi që i ofrohen nga Napoli dhe Juventus.

LEXONI GJITHASHTU:

• Ukraina “gjunjëzon” Kombëtaren në Tiranë, dështon Shqipëria, mbyll e fundit grupin
• Përfundon faza e grupeve në Ligën e Kombeve: Shqipëria bie në Ligën C