Italia dhe Argjentina përballen në superfinalen më 1 qershor

Stadiumi madhështor ‘Wembely’ do të presë superfinalen mes Argjentinës dhe Italisë mbrëmjen e 1 qershorit. Kampionët në fuqi të Europës do të përballen në finalen e madhe me kampionët e Amerikës së Jugut. Italia vjen në këtë finale me ndryshime të mëdha, pas dështimit për tu kualifikuar në Botërorin e Katarit.

Trajneri Italian ka publikuar edhe listën e futbollistëve të grumbulluar për këtë sfidë. Risitë e listës janë ylli i Milanit, Sandro Tonali, ndërsa bien në sy edhe dy lojtarët e Sasuolos, Fratessi dhe Scamaça.

Ndërsa kampionët e kupës së Amerikës, vijnë në këtë sfidë me të njëjtën futbollistë me të cilët triumfuan në muajin Korrik kundër Brazilit në finale. Ylli i argjentinës, Lionel Messi tha për mediat se Italia është më e preferuara. Ai shprehu gjithashtu keqardhjen që Italia ose ndryshe axurrët nuk do të jenë pjesë e Botërorit të ardhshëm.

Kjo do të jetë hera e tretë në histori që një Kombëtare kampione nga Europa do të takohet me Kombëtaren kampione nga Amerika e Jugut.

Në vitin 1985, Franca ka mposhtur Uruguain 2-0 në Paris, dhe tetë vjet më vonë Argjentina mposhti Danimarkën me penallti në Buenos Aires.

Pritet që kjo ndeshje të dhurojë emocione dhe spektakël, duke pasur parasysh nivelin e lojtarëve që do të zbresin në fushë.

Kjo përballje zhvillohet nga FIFA, për të shpallur fituesin ndërkontinental.

LEXONI GJITHASHTU:

• De Biasi: Shqipëria më e rëndësishme sot në botën e futbollit, falë Dukës