Italia dhe Uellsi kualifikohen në 1/16, Zvicra e Shaqirit ende shpreson

Italia dhe Uellsi janë bërë dy ekipet e para të Euro 2020 që sigurojnë kalimin në fazën 1/16.

Ndonëse uellsianët u mundën nga italianët 1-0 dhe nga ana tjetër Zvicra fitoi përballë Turqisë 3-1, arritën të kualifikoheshin vetëm falë golavarazhit.

Italia siguroi 9 pikë të plota në grup, kurse Uellsi dhe Zvicra me nga 4 pikë secili, ndërsa Turqia që rezultoi një nga ekipet më zhgënjyese, me 0 pikë.

Për Italinë shënoi Pessina në minutën e 39’ duke qenë goli vendimtar i takimit ndërsa Uellsi prej minutës së 55’ luajti me një lojtar më pak pasi Ampadu u ndëshkua me të kuq.

20-vjeçari që luan për Chelsea, u bë kështu lojtari më i ri në historinë e kampionateve evropianë që merr direkt karton të kuq.

Në ndeshjen e fituar nga Zvicra 3-1 përballë Turqisë shkëlqeu Xherdan Shaqiri duke shënuar dy herë. Goli tjetër u realizua nga Seferoviç.

Me dy golat e realizuar nga një në secilën pjesë, Shaqiri është bërë një nga shënuesit më të mirë të Zvicrës në kompeteticionet ndërkombëtare pasi ka gjetur rrugën e golit 7 herë në katër botërorë dhe tre evropianë.

Tashmë e vetmja shpresë për Zvicrën është që të siguroi një kualifikim në fazën e eliminimeve direkt si një katër më të mirat e vendeve të treta në gjashtë grupe.