Iu gjetën 9 granata dore në banesë, shpallet në kërkim 54-vjeçari në Devoll

Një 54-vjeçar është shpallur në kërkim nga policia në Devoll. Policia bën me dije se në banesën e 54-vjeçarit u gjetën granata dore.

Nga këto granata 3 ishin ofensife dhe 6 ishin difensive. Gjithashtu janë sekuestruan 8 copë ndezës të unifikuar. Policia po vijon punën për kapjen e tij.

“DVP Korçë/ Shërbimet e Komisariatit të Policisë Devoll referuan materialet në Prokurori dhe shpallën në kërkim shtetasin D. J., 54 vjeç, banues në fshatin Hoçisht, pasi gjatë kontrollit në banesën e tij, u gjetën 9 granata dore, nga të cilat 3 ofensife dhe 6 difensive, si dhe 8 copë ndezës të unifikuar, të cilët u sekuestruan në cilësinë e provës materiale.

Po punohet për kapjen e shtetasit D. J.  Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë”, njofton policia.

LEXONI GJITHASHTU:

• Përplasjet në Kuvend, PS kërkon përjashtimin nga seancat për 29 deputetë të PD
• Armët kineze dominojnë tregun ushtarak të Serbisë