Izraeli bombardon Gazën dhe paralajmëron se Hamasi është afër “shpërbërjes”

Izraeli ka vazhduar të bombardojë Rripin e Gazës edhe të martën, teksa ka thënë se fushata e tij për ta shkatërruar Hamasin, e ka lënë grupin palestinez “në prag të shpërbërjes”.

Hamasi, grup radikal që udhëheq Gazën me 2.4 milionë banorë, është shpallur organizatë terroriste prej Shteteve të Bashkuara dhe Bashkimit Evropian.

Liderët për çështje humanitare frikësohen se Gaza mund të kthehet shpejt në zonë të sëmundjeve dhe urisë së madhe, andaj janë duke shtuar presionin diplomatik ndaj Izraelit që të bëjë më shumë përpjekje për t’i mbrojtur civilët.

Hamasi ka thënë të martën se përleshjet kanë ndodhur në qendër të Gazës, ndërsa dëshmitarët kanë raportuar për sulmeve vdekjeprurëse izraelite në jug të territorit.

Sulmet ajrore izraelite kanë lënë të vdekur të paktën 12 persona në qytetin jugor Rafah, afër kufirit me Egjiptin, ku dhjetëra mijëra njerëz tentojnë të strehohen, ka raportuar agjencia palestineze e lajmeve Wafa.

Sulmet e së hënës e kanë shënjestruar qytetin kryesor jugor Han Junis, i cili është kthyer në epiqendër të luftimeve.

“Hamasi është në prag të shpërbërjes – ushtria është duke marrë kontrollin e bastioneve të fundit”, ka thënë ministri izraelit i Mbrojtjes, Yoav Gallant, të hënën.

Lufta ka nisur më 7 tetor, si pasojë e sulmeve të Hamasit në Izrael, duke lënë 1.200 njerëz të vrarë, dhe duke marrë rreth 240 pengje në Gazë.

Izreaeli është përgjigjur me ofensivë, e cila e ka shndërruar një pjesë të madhe të Gazës në gërmadhë, dhe ka lënë të vrarë të paktën 18.200 njerëz, kryesisht gra dhe fëmijë, sipas autoriteteve shëndetësore palestineze.

Kombet e Bashkuara vlerësojnë se 1.9 milion banorë në territorin me 2.4 milionë të tillë, janë zhvendosur nga lufta, pjesa më e madhe fëmijë.Izraeli bombardon Gazën dhe paralajmëron se Hamasi është afër “shpërbërjes”.

LEXONI GJITHASHTU: 

• Gazetari zbulon prapaskenat: Po mos ishte Kim, në krye të SPAK s’do ishte Dumani
• Donald Tusk zgjidhet kryeministri i ri i Polonisë