Izraeli dhe Gjermania nënshkruajnë kontratë 3.1 mld për sistemin e mbrojtjes ajrore

Izraeli dhe Gjermania nënshkruan një kontratë me vlerë rreth 3.1 miliardë dollarë për të zgjeruar sistemin e mbrojtjes ajrore dhe raketore Arrow-3 të prodhuar nga industritë hapësinore izraelite, tha të enjten ministria e mbrojtjes e Izraelit.

Zgjerimi i kontratës plotëson marrëveshjen fillestare të blerjes të nënshkruar dy vjet më parë. Ministria shtoi se të dy marrëveshjet së bashku arrijnë një total prej afërsisht 6.7 miliardë dollarësh.

Njoftimi vjen vetëm dy javë pasi bateria e parë Arrow 3, që Izraeli i sigurtoi Gjermanisë, u vendos në një ceremoni të madhe në bazën ajrore Holzdorf.

Si pjesë e zgjerimit të kontratës, ministria tha se ajo dhe BMVg “kanë rënë dakord të rrisin ndjeshëm shkallën e prodhimit të interceptorëve dhe lëshuesve Arrow 3 që do t’i furnizohen Gjermanisë, duke rritur ndjeshëm aftësitë e saj të mbrojtjes ajrore dhe raketore”.

LEXONI GJTIHASHTU:

• Si Kina ndërtoi “Projektin Manhattan” për të rivalizuar Perëndimin në çipet e AI
• Rutte: Hungaria, Sllovakia dhe SHBA janë kundër anëtarësimit të Ukrainës në NATO