Izraeli godet Bejrutin, tymi pushton kryeqytetin libanez

Izraeli i është kundërpërgjigjur Hezbollah pas sulmit që grupi militant kreu këtë të premte me 150 raketa në veri të Izraelit.

Mediat e huaja kanë ndarë pamjet nga Bejruti, ku një re e dendur tymi shihet mbi kryeqytetin libanez pasi ushtria izraelite tha se kishte kryer një “sulm në shënjestër”.

Banorët në periferitë jugore të qytetit raportuan se kishin dëgjuar një shpërthim të fortë, sipas Reuters.

Një dron gjuajti disa raketa në zonën shumë të populluar të njohur si Dahiyeh, raportoi TV Al-Mayadeen me bazë në Bejrut.

Konflikti mes Hezbollah dhe Izraelit është intensifikuar këtë javë pasi sinjalizuesit dhe radiot e përdorura nga anëtarët e Hezbollahut shpërthyen të martën dhe të mërkurën, duke vrarë 37 njerëz dhe duke plagosur mijëra të tjerë, si dhe duke shkaktuar frikën e një lufte gjithëpërfshirëse.

Libani dhe Hezbollahu e akuzojnë Izraelin për kryerjen e këtyre sulmeve, por Izraeli nuk ka pranuar e as mohuar përfshirjen.

LEXONI GJITHASHTU:

• Inteligjenca e SHBA: Shpërthimi i pagerave në Liban i planifikuar për 15 vite
• Goditen 100 raketahedhëse të Hezbollahut, Izraeli kryen sulme më të ashpra në Liban